સૂરીલી મૂંઝવણ  – ટેક્નોલોજીને આભારી 

આજકાલના ટેક્નોલોજીના જમાનામાં સંગીતની  zoom સભામાં શરૂઆતના તબક્કામાં સૂરીલી મૂંઝવણ સામાન્ય છે. અહીં ઓસ્ટીન નામના શહેર થી zoom સભામાં કાઇંક આવુંજ જોવા/ સાંબળવા મળ્યું.

ચાલ્યા કરે….આવું બધું

ઓકે તો હવે આપણે બધા live  છીએ 

પણ સ્ટેજની પાછળ આ બધું clutter  કેમ છે??

બની બેઠેલા કલાકાર સ્વગત બોલતા સંભળાયા,’ ચહેરા પર જરાક વ્હાઇટનિંગ ક્રીમ લગાવ્યું હોત તો ઠીક થાત, ચાલો કઈ નહિ – મારું સંગીત બોલશે – નહિ કે મારો ચહેરો 

સાઉન્ડ બરાબર છે? જરા કેમેરાને સ્ટેજ થી નજીક મૂકો ને મારા ભાઈ 

હા, અને રાજનભાઈ  તમે માઈકને જરા મોં થી નજીક ધરો ને બાપલા , હજી જરા, હજી — હાં હવે બરાબર 

અરે આ પાછળથી આટલો બધો અવાજ કેમ આવે છે? જરા જુઓ તો કોઈ?

કોઈ હાજરજવાબી ગણગણ્યો  ‘ એ તો આ પ્રોગ્રામમાં સામેલ બીજા લોકોના ઘેરથી આવે છે’

‘તો એ બધાને ફરમાન છોડો કે પોતપોતાનું માઈક્રોફોન mute કરી નાખે, સમજ્યા ?’

રાજેનભાઈ કાઇંક વગાડો ને – સાઉન્ડ ચેક કરી લઈએ

અબુધ કલાકાર રાજેનભાઈને શી ચળ ઉપાડી તે મંડ્યા કોઈ બોરિંગ રાગનો આલાપ કરવા. પણ તબલાં કયાં?

સુરેન્દ્રભાઇ તમે પણ કોઈ ઠેકા મારોને ? બંને સાઉન્ડ ભેગા ભેગા ચેક થઇ જાય, બીજું કઈ નહિ 

એટલે હવે સુરેન્દ્રભાઈએ તબલા પર થાપ મારવાનું શરુ કર્યું 

કલાકાર બેલડી પરીક્ષામાં પાસ !

હે ભગવાન, પેલી લોખંડની ફોલ્ડિંગ ખુરશી  હજી ત્યાં શું કરી રહી છે- યોગીભાઈનું  વચનામૃત ક્યારનું સમાપ્ત  થઇ  ગયું – હટાવો એને! એટલે કે ખુરશી ને! 

અચાનક કોઈ ગણગણ્યું ” આ રાજેનભાઈ એ જરા બ્રાઇટ કલરનો કુર્તો ન પહેરવો જોઈએ? જવા દો, બધા કલાકારો થોડા સનકી હોય , માને તો ને? 

પ્રોગ્રામના સૂત્રધાર હજી નાખુશ, ‘ અરે આ ચીટચેટનો અવાજ કેમ બંધ નહિ થયો?’

પરિસ્થિતિને કથળતી જોઈ યોગીભાઈ ખુરશી પર ફરી એક વાર બિરાજમાન અને વિવેકથી ફરમાન છોડે, ‘ મહેરબાની કરીને સૌ જયાં જયાં હોય ત્યાં પોતપોતાનું માઈક્રોફોન મ્યુટ કરી દે પલીઝ’

તો હવે આપણે  આરંભ કરીએ ? ચાલો બોલો ….શ્રી ટેક્નોલોજીની જય… ઝૂમ બરાબર ઝૂમ .


Leave a Reply